غداء الجمعه / رز اسمر باللحم والمكسرآآآآآت صحي ومميز وشي حلو حق يوم الجمعه

اليوم جربت اسوي الرز البني ( الأسمر ) طبعا مو اللي احمس بصل واخليه بني واحط الرز عليه يصير بني


لآ انا استخدمت رز اسمر من المهيدب طبعا الكل يعرف فوايد الرز الأسمر شي ماينوصف ولآ يتخيل

طبعا للصغار والكبار ولآزم كل اسبوع تسوي طبخة رز بني عشان المعده ترتاح وتنظف والجسم ياخذ فوايده من ألآلياف الموجوده بالرز

ملآحظه / الرز طعمه بالمرة حلو انا شبههته على الرز الحساوي الأحمر
زوجي يقول مثل طعم الجريش

الزبده طعم والله انه بالمخ

انا سويته باللحم سوي طريقة الكبسه العاديه اللي انتي معتمدتها

جبت قدر الضغط حطيت بصله كبيره مفرومه حمستها شوي حطيت معاها حبتين لومي

ورقتين غار وحبة فلفل

بالصفايه حقت البهار حطيت البهارات الحب المخلوطه
حطيت اللحم وخليته ينحمس شوي مع البصل والبهارات حطي مكعب ماجي

خليه على نار هاديه عشان تمتزج الروايح الحلوه مع بعض

صبي الماي عليه وخليه على النار لحد مايستوي اللحم

طبعا تكوني ناقعه الرز من بدري بماء ساخن مده نص ساعه

بعد مايستوي اللحم افتحي القدر وضبطي الملح كبي الرز عليه

ملآحظه /الرز البني يطول لييين مايستوي يمكن اخذ 50 دقيقه لحد مااستوى

وبس زيني الصحن بالمكسرات انا استخدمت الكاجو يآآآي على طعمها مع لرز شي لآيصدق

حطي سلطه او خضار ورقيه معاها وبالعافيه عليكم

الحين بتشوفوا الصور ولآزم على كل ام وربه بيت تخاف على صحة اسرتها ترووح تشتري
الرز الأسمر وتسويه لو مره وحده بالأسبوع وخليه مثلآ يوم الجمعه عشان تميزي اليوم الفضيل
بشي حلو قدميه مع اللحم او السمك او مع صينيه خضار انتي وفنك