تآرت آ آ آ لتفاح [ يمممممممي لذيذه ] ~ ||||

يالله بسم الله نبتدي بالمقادير




نصف كوب عصير برتقال
كوب+ثمن كوب دقيق
نصف كوب سكر
ثلث كوب زيت
3بيضات
تفاحتين و نص مقشرين و مقطعين مثل ما هو واضح بالصورة ( هنا حسب حجم التفاح اللي عندك يعني ممكن تفاحتين ثلاث انا استعملت تفاح متوسط و طلع معي تفاحتين ونص)
2 معالق كبار بيكنغ باودر
نصف ملعقة صغيرة بودرة الفانيلا
الفانيلا و البيكنغ باودر و الثمن كوب دقيق ما صورتهم السموحة



التارت هاذي راح نسقيها بشراب البرتقال و هي عبارة عن : كوب عصير برتقال + ثمن كوب سكر



الطريقة :

نسحن الفرن على 180 درجة.
نجهز القالب و ندهنه بزبدة و نرشه بطحين .
نخفق البيض+الفانيلا+السكر لين يصير لونهم ابيض بعدين نضيف الزيت شوي شوي بعدين نضيف عصير البرتقال شوي شوي و حنا نخفق بعدين نضيف الطحين و آخر شي نضيف البيكنغ باودر و نخفق بعد عشان يتجانس الخليط و نصب الخليط في القالب و نرص قطع التفاح بهالشكل :


و اذا خلصتي من رص قطع التفاح و شفتي بعض القطع نازلة عوضيها بقطعة جديدة فوقها
ندخلها للفرن و نبتدي نجهز شراب البرتقال او شيرة البرتقال بوضع عصير البرتقال و السكر على النار مدة ربع ساعة تقريبا و هذا شكله لما جهز :


و هنا لما طلعتها من الفرن :



و على طول لما نطلعها نشربها او نسقيها بشراب البرتقال بالطريقة هاذي :




لا تحطون شراب البرتقال كله يعني بعيونكم تقدرون توزنون الكمية اللي نبغيها
نرجعها للفرن من فوق بس مدة خمس دقايق فقط عشان تتشرب زين شيرة البرتقال


و هنا لما طلعتها من الفرن :


و هنا صارت جاهزة (بعد ما حطيتها بصحن التقديم دهنتها بمادة التلميع اللي نستعملها للحلويات):





اتمنى تعجبكم تارت التفاح
و اتمنى انكم تجربونها هي لذيذة بشكل مو طبيعي




في امان الله